Nënshkrimi i Erling Haaland mbetet një ëndërr për Barcelonën, pavarësisht situatës së tyre të komplikuar financiare, dhe agjenti i lojtarit, Mino Raiola, u ka dhënë pak shtysë katalanasve në shpresat e tyre për të blerë norvegjezin.
Sulmuesi i Borussia Dortmund kohët e fundit nuk arriti të përjashtonte mundësinë e kalimit të një viti tjetër me skuadrën e Bundesligës, me spekulimet për të ardhmen e tij që u intensifikuan javët e fundit.
“A mund të presë Haaland për Barcelonën? Ai mund të presë këdo,” tha Raiola për NOS. “Ne nuk kemi një paramarrëveshje me asnjë klub.
“Ne do të kërkojmë opsionin më të mirë për të dhe nuk mund të përjashtoj një vit tjetër në Dortmund. Teorikisht, kjo është ende e mundur.”
Barcelona ka vazhduar të jetë e lidhur me sulmuesin edhe gjatë krizës më të keqe financiare, dhe Raiola pret që ata të rikthehen.
“Barcelona do të jetë gjithmonë një nga klubet më të mëdha në botë.
Edhe pavarësisht situatës së tyre aktuale.”
“Në një ose dy vjet ata do të kthehen. Ata kanë fuqinë për të gjetur marrëveshje të mëdha ekonomike. Do t’u duhen vetëm një ose dy vjet për t’u rikthyer.”/ h.ll/abcnews.al
