Qyteti kanadez ndryshon emër, arsyeja lidhet drejtpërdrejt me jetën

schedule12:23 - 21 Tetor, 2020

schedule 12:23 - 21 Tetor, 2020

Banorët e qytetit të Asbestit, në Kanada kanë votuar pro ndërrimit të emrit të vendit të tyre.

Vendimi për ndërrimin e emrit erdhi për arsye që banorët nuk donin që qyteti i tyre të mbante emrin e mineralit të njohur asbest.  Pasi ky i fundit njihet si mineral shumë helmues që shkakton kancer të mushkërive dhe sëmundje të tjera.

Ky qytet, që dikur ishte ndër vendet me numrin më të madh të asbestit në botë, vendosi me 51.5 % të votave për ndërrimin e emrit.

Emri i tij i ri u bë I ditur sot dhe është Val-des-Sources, që do të thotë “Lugina e burimeve”.

Sipas Reuters, emri i ri i qytetit i referohet edhe vendndodhjes së banorëve në bashkimin e tre liqeneve dhe përfaqëson “shkrirjen e historisë dhe rrënjëve”. Ky qytet, që gjendet 150 kilometra në lindje të Motrealit, ka rreth 7 mijë banorë. Emri i ri thuhet se do të bëhet zyrtar para fundvitit. l.k/abcnews.al