Kukësi dhe Veseli Limaj kanë bërë paqe për momentin. Mesfushori mungoi në Laç, pasi drejtuesit e klubit verilindor kishin menduar ta çonin titullarin e tyre të stërvitej me ekipin U21.
Limajt i përfundon kontrata në fund të sezonit dhe nuk dëshiron të rinovojë, çka solli edhe vendimin e Kukësit për të mos e lejuar të stërvitet me ekipin e parë.
Nisur nga rezultatet jo të mira dhe faktit që mesfushori është një lojtar i rëndësishëm i verilindorëve, te Kukësi kanë menduar të bëjnë prapakthehu.
Ditën e sotme Limaj është bashkuar me ekipin dhe do të jetë alternativë e vlefshme për trajnerin Hallaçi në ndeshjen kundër Vllaznisë, që është një përballje shumë e rëndësishme për Kukësin. /abcnews.al
