Këto kalldrëme që u kanë rezistuar viteve janë realizuar me mjeshtri nga gurgdhendësit gjirokastrit. Spiro Bezhani është një prej tyre.
Ishte vetëm 16 vjeç kur nisi për herë të parë punë në rrugicat e qytetit.
Ka qëndisur me gurë thuajse gjithë Gjirokastrën. Ka qenë një zanat jo fort i lehtë. Kërkonte fuqi fizike por edhe shumë vëmendje e përkushtim.
Ustai gjirokastrit i ka kaluar të tetëdhjetat. I ka ndjekur me vëmendje punimet e fundit që janë bërë në kalldrëmet e qytetit e ne zonën muzeale. Ka vërejtje e thotë se nuk është punuar siç duhet. Tregon se më parë kalldrëmet realizoheshin në mënyra të tjera.
Spiro Bezhani e ka mësuar zanatin nga i ati. Ai shpreh keqardhjen se sot të rinjtë nuk duan t`i trashëgojnë zanatet e të parëve të tyre. Mendon se po orientohen drejt profesioneve qe u sigurojnë shpejt të ardhura.
Mjeshtra të tillë Gjirokastrës i kanë mbetur shumë pak. Për punët e çmuara qe i kane lënë qytetit ata gëzojnë mirënjohjen e banoreve por shpesh janë vlerësuar për kontributin edhe nga institucionet.
/abcnews.al/
