Loading ...
Autoriteti Kombëtar i Ushqimit në Tiranë ka bllokuar rreth 328 kilogramë djathë dhe rreth 738 kg mish pule pasi thotë se ishin të pasigurta për tu konsumuar.
Inspektorët e AKU kanë ushtruar kontrolle në baxhon “Bonum” ku gjetën kushte të papërshtatshme higjeno-sanitare, myk , ndryshk dhe lagështi në ambientet e përpunimit të qumështit. AKU përmes një njoftimi për shtyp thotë se bllokoi sasinë e djathit të bardhë dhie që gjeti aty dhe vendosi gjobë në vlerën e 300.000 lekëve.
Kushte të papërshtatshme higjiena sanitare AKU thotë se gjeti dhe në fabrikën e përpunimit të mishit “KMY”.
Shkrirja e produkteve sipas AKU bëhej në kundërshtim me normat teknike. Për këtë arsye inspektorët e AKU bllokuan sasinë e filetove të pulës “super frigo” dhe gjoksit të pulës “pechungon” që gjetën në fabrikë.
Produktet do të qëndrojnë të bllokuara deri në daljen e përgjigjes së analizave mikrobiologjike Gjithashtu AKU thotë se gjobiti fabrikën e përpunimit të mishit me 300.000 lekë.
/abcnews.al/
