Loading ...27 vjeçari Florjan Hasa, është arrestuar nga policia pasi qëlloi me armë zjarri në ajër në Kamëz. Sipas policisë, i riu ka qëlluar me pistoletë në ajër pas një konflikti të çastit me një person.
27-vjeçari rezultoi me precedent të mëparshëm penal në fushën e mashtrimit. Shërbimet e Komisariatit të Policisë Nr. 5, menjëherë pas marrjes së njoftimit se në rrugën “Besëlidhja”, një shtetas kishte qëlluar me armë zjarri, në ajër, kanë organizuar dhe finalizuar operacionin policor të koduar “Moment”, për kapjen e tij.
Si rezultat i veprimeve të shpejta, u kap dhe u arrestua 27 vjeçari Florjan Hasa, banues në Domje, me precedent të mëparshëm penal në fushën e mashtrimit.
Ky shtetas dyshohet se pas një konflikti për motive të dobëta me shtetasin A. H., ka qëlluar me armë zjarri pistoletë, në ajër, dhe më pas është larguar nga vendi i ngjarjes.
Materialet procedurale i kaluan Prokurorisë, për veprime të mëtejshme./abcnews.al
