Loading ...
43-vjeçari, Gerald Shehu, i cili dyshohet se ka qëlluar me armë zjarri shtetasin Eraldo Nevruzi është arrestuar në Greqi.
Gazetari Elton Nika raporton për ABC News, se 43-vjeçari Gerald Shehu është arrestuar pranë aeroportit në Greqi, ku dyshohet se kishte për synim të largohej. Ndërkohë policia po kryen kontrolle në zonën e Dhërmiut për të gjetur trupin e 31-vjeçarit.
Një nga pistat ku po hetohet është një grindje e çastit mes recepsionistit dhe Gerlad Shehut, i cili ishte dhe bashkëpronar i hotelit.
Po ashtu hetimet janë zgjeruar edhe për ndonjë ngjarje te mëparshme pasi të dy personat njiheshin më parë. ABC News mëson se recepsionisti dhe autori i dyshuar kanë qenë të dy emigrantë në Angli.
