Ish kitaristi në grupin e Ozzy Osbourne, Jake E. Lee u qëllua disa herë teksa ecte me qenin e tij në Las Vegas, por lëndimet që ai mori nuk ishin kërcënuese për jetën, raportuan mediat amerikane.
Jake E. Lee, një muzikant që ndihmoi punën në albumin solo të Ozzy të vitit 1983, Bark At The Moon, është i vetëdijshëm dhe “pritet të shërohet plotësisht”.
Tim Hein, menaxheri i grupit rock të Lee Red Dragon Kartel, tha se asnjë nga organet e tij të brendshme nuk u prek.
“Me hirin e Zotit, asnjë organ i madh nuk u prek, ai është plotësisht i vetëdijshëm dhe pritet të shërohet plotësisht. Incidenti është nën hetimin e policisë dhe nuk do të ketë asnjë koment të mëtejshëm,” tha Hayne.
Policia e Las Vegasit njoftoi se të shtënat kanë ndodhur të martën rreth orës 2:40 të mëngjesit në një lagje që ndodhet rreth 15 kilometra nga qendra e Las Vegasit, se askush nuk është arrestuar dhe se hetimet janë duke vazhduar./abcnews.al
