Loading ...
Një ngjarje e rëndë është regjistruar mëngjesin e kësaj të mërkure në Tiranë. Më datë 27.05.2026, rreth orës 07:05, në banesën e tij në zonën e Rrugës së Dibrës, është konstatuar pa shenja jete shtetasi Albert Gadica rreth 42 vjeç, punonjës i Gardës.
Sipas veprimeve të para hetimore, dyshohet se 42-vjeçari i ka dhënë fund jetës duke përdorur armën e shërbimit.
Në vendngjarje ka mbërritur grupi hetimor, i cili, nën drejtimin e Prokurorisë, po kryen veprimet për sqarimin dhe dokumentimin e plotë të rrethanave të rastit.
Autoritetet pritet të hedhin më shumë dritë mbi shkaqet dhe rrethanat e ngjarjes pas përfundimit të hetimeve.
