Punëtori humbi jetën si pasojë e flakëve, Gjykata e Durrësit liron nga qelia përgjegjësin e fabrikës së tullave

Është liruar nga qelia Behxhet Zija, përgjegjësi i fabrikës së tullave në Vorë, ku për shkak të një zjarri të rënë në ambientet e kësaj fabrike humbi jetën një person.  Gjykata e Durrësit me anë të një vendimi të dhënë ditën e sotme, vendosi masën e sigurisë detyrim paraqitje për 67-vjeçarin. Sipas të dhënave dyshohet se ngjarja ka ndodhur nga mosrespektimi i kushteve të sigurisë.

Kujtojmë se 57 vjeçari, Besnik Bojaku ka ndërruar në QSUT për shkak të djegieve që kishte marrë në trup.

Ngjarja ndodhi tre ditë më parë ndërkohë fabrika me një investim afro 2 milion euro niste ditën e ngjarjes aktivitetin. /abcnews.al/