Loading ...Debati mbi rolin e naftës dhe interesat gjeopolitike në ndërhyrjen e SHBA-së ndaj Venezuelës, me arrestimin e Nicolas Maduro u diskutua në emisionin “Real Story” në ABC News, ku pedagogu Emilio Çika dhe eksperti i marrëdhënieve ndërkombëtare Medlir Mema theksuan se, ndonëse nafta mbetet një faktor i rëndësishëm, ajo nuk është elementi i vetëm nxitës.
Sipas tyre, ndërhyrjet amerikane historikisht kanë qenë të motivuara nga interesa politike dhe strategjike, të shoqëruara me përfitime ekonomike, ndërsa situata në Venezuelë lidhet ngushtë edhe me rivalitetet globale dhe ndikimin e aktorëve si Kina, Rusia, Irani dhe Kuba.
Emilio Çika: Nafta ishte një nga arsyet më të rëndësishme. Tregon që Amerika ka nevojë për naftën bruto, e cila sa po vjen dhe po shteron. Mënyra se si funksionon në jugun amerikan, janë rafineri që kërkojnë naftën bruto. Megjithatë nuk duhet thënë që është i vetmi element nafta. Ajo që kanë treguar ndërhyrjet amerikane ndër vite kanë qenë gjithmonë ndërhyrje politike dhe strategjike me një përfitim ekonomik nga pas.
Medlir Mema: As nuk bëhet fjalë që nafta luan një rol shumë të rëndësishëm të ndërhyrjes së Trump. Nga an tjetër nuk është nafta i vetmi faktor nxitës. Kjo çështje nuk është krye këput çështje nafte, edhe kompanitë e naftës nuk janë shprehur për këto çështje të fundit, pasi e dinë që duhet të presin disa vite për të sjellë përfitime nga nafta e Venezuelës. E gjithë kjo lojë është gjeopolitike. Kina mbështetet nga nafta venezuelase, Irani dhe Kuba po ashtu. Ndonëse nafta është një element i rëndësishëm, fokusi është se çfarë do të bëjë Amerika me naftën e Venezuelës. Një saktësim i dytë që doja të bëja, është që Trump ka kërkuar më parë shumë herë bashkëpunimin e Maduros, por ky i fundit për shkak të presionit rus nuk ka pranuar, kurse tani është nervozuar nga sjellja e tij./abcnews.al
