Loading ...
HOLANDË- Mijëra protestues u mblodhën në Hagë duke shprehur mbështetje ndaj ish-krerëve të UÇK-së. Në protestë mori pjesë dhe ish-ambasadori i Holandës në Kosovë, Robert Bosch, i cili në fjalën e tij u shpreh se UÇK-ja ishte këmba e NATO-s në tokë.
Ai theksoi se ta cilësosh UÇK-në si organizatë kriminale, ky është ofendim i rëndë edhe për NATO-n.
“Ta quash UÇK-në organizatë kriminale ky është ofendim edhe për NATO-n, sepse NATO nuk bashkëpunon me organizata kriminale”, ka thënë ai.
Ai ka deklaruar se në kohën kur ishte në Kosovë kanë pasur presion për t’u bërë thirrje liderëve kosovarë që ta themelonin Gjykatën Speciale.
Ish-diplomati para protestuesve pohoi se nuk i pëlqente kjo ide pasi serbët nuk ishin të akuzuar të kësaj gjykate.
“Më kujtohet mirë kur takova Thaçin dhe ai ishte pak i shqetësuar. Unë i thashë se nëse do të jetë gjyq i drejtë ti do të jesh i lirë për shkak të mungesës së provave. Por unë nuk kisha të drejtë, sepse gjyqi nuk ishte aq serioz sa unë kisha pritur.
Sepse siç e mbani mend raportin e Dick Martyt për trafikim të organeve, ai doli të ishte i rreme. Sepse vet gjyqtari kishte ardhur në përfundim se nuk kishte një gjë të tillë dhe ishte trillim i serbëve. Pra do të duhej të mbyllej gjykata, sepse nuk kishte kuptim të vazhdonte më.
Gjyqi ndaj ish krerëve të UÇK-së, jo i drejtë. Mjaft më me padrejtësitë.”, theksoi ai./abcnews.al
