Protesta e të martës, studentët do të bllokojnë rrugët kryesore

Studentët nesër do ta nisin protestën e tyre në orën 09:00 të mëngjesit me bllokimin e akseve rrugore kryesore të Tiranës. Paralizimi i jetës është e vetmja mënyrë që të dëgjohen kërkesat drejtuar qeverisë -shkruhet në një njoftim të studentëve. Ata i bëjnë thirrje bashkëmoshatarëve të të gjithë fakulteteve që të mos lejojnë qarkullimin e automjeteve. Pikat kyçe që kanë planifikuar të bllokojnë gjatë ditës së nesërme janë: kryqëzimi i Piramidës me bulevardin kryesor, kryqëzimin e Farmacisë nr.10, rrugën pranë stacionit të trenit, sheshi Wilson dhe kryqëzimin tek Zogu i Zi. /abcnews.al