Lille zhvilloi një sezon spektakolar dhe i dha fund dominimit të PSG-së në futbollin francez. Lille u shpall skuadra kampione këtë sezon, duke fituar titullin për herë të katërt në histori.
Pas festës erdhi ndarja me trajnerin Christophe Galtier. Ekipi do të luajë sezonin e ardhshëm në Champions League dhe drejtuesit e Lille po tentojnë një emër me eksperiencë për stolin.
Fotomac raporton se kampionët e Francës pëlqejnë shumë Fatih Terim, trajnerin legjendar turk të Galatasaray, i njohur ndryshe si “Perandori”.
Ky i fundit ka drejtuar edhe Milanin e Fiorentinën në Serie A. Nëse arrihet marrëveshja mes palëve, Terim do të gjente në skuadrën e re tre patriotë të tij: Zeki Çelik, Yusuf Yazici e Burak Yilmaz. /abcnews.al
