Ditën e sotme në Gjykatën e Posaçme po zhvillohet mbrojtja e personave të arrestuar për “inceneratorin e Elbasanit”, përfshirë ish-ministrin Lefter Koka dhe ish-sekretarin Alqi Bllako.
Si ministri Koka edhe Bllako pretendojnë se nuk kanë kryer asnjë shkelje të ligjit.
Gazetari i ABC News, Ermal Vija ka mundur të sigurojë argumentat për pafajësi të ish-ministrit Koka në seancën e sotme.
Ndër të tjera Koka është shprehur se ai si ministër, sekretari i përgjithshëm dhe komisioni kanë zbatuar me përpikmëri ligjin.
Ai shton se nuk i ka borxh askujt ta paguaj me lirinë e tij. Sipas tij kjo është situatë nga ish-presidenti Meta dhe fallxhorja e tij, që sipas tij duke ndenjur mejhaneve thoshte do ta fus në burg.
Mësohet se Koka ka folur për rreth një orë, pasi avokatët mbrojtës kanë mbaruar fjalën e tyre.
Argumentet e Lefter Kokës:
1-Një e vërtetë e thënë përgjysëm është e pavërtetë. Prokuroria u bazua tek kallëzimi LSI dhe për 2 vite nuk më mori në pyetje asnjëherë.
2-Unë si ministër, Sekretari përgjithshëm dhe Komisioni kemi zbatuar me përpikmëri ligjin. Bëm punën më të mirë dhe shërbyem me devotshmëri.
3-Eshtë kohë e vështirë që kërkon burra e burrni, unë si kam borxh askujt ta paguaj me lirinë time!
4-Akuza e prokurorisë është idiote! Kam hyrë në politikë si biznesmen dhe s`më bëri politika biznesmen.
5-Po kthehemi 45 vite para në proçeset e stisura të sistemit komunist. Eshtë një alarm jo vetëm për mua por për të gjithë shoqërine.
6-Ky proçes është i manipuluar fund e krye , besoj se e vërteta do të triumfoj.
7-Nuk ekziston asnjë kontakt ose njohje me pronarët e inceneratorëve, ato nuk i solla unë por erdhën si propozim nga bota e biznesit.
8-Prokurori devijoi hetimet dhe fraksionojë dosjen për të mos zbuluar të vërtetën. Drejtësia më herët sesa vonë do të dalë.
9-Intriga e këtij proçesi dashakeqës do të dalë dhe uroj të shërbejë për konsolidimin e mëtejshëm të reformës në drejtësi.
10- Prokurori fshehu 40 fashikuj hetimor ku gjenden provat për pafajësinë time. Më janë vënë në dispozicion nga gjykata 1 javë më parë.
11-Akuza pësoi mutacione për ti qëndruar besnike kallëzimit të LSI. Kurrë nuk i kam futur dorën në xhep dikujt. r.t/abcnews.al
