Në emisionin “Log” me Endri Xhafon deputeti i PD Oerd Bylykbashi ka lënë të nënkuptohet se prishja e marrëdhënieve me kreun e PD Lulzim Basha ka nisur që pas vendimit për djegien e mandateve 2 vite më parë.
“Është e vërtetë që në 2019 i kam thënë Bashës të mos djegë mandatet. S’e kam thënë ndonjëherë publikisht. Kam folur për vendime më të rëndësishme, por në njohjen time më të mirë. Bashkë me Rusmajlin ne hartuam një dispozitë kundër djegies së mandateve.
Isha i bindur se dispozita ishte e hekurt dhe do kishte pasoja. Kur ishte hedhur si ide djegia e mandateve e kam kundërshtuar një gjë të tillë. Në kjo ndodh kjo do çojë në mbushje të parlamentit me pjesën e dytë të listës dhe gjëja më e keqe ishte se do të ndryshonte Kushtetuta”, tha Bylykbashki.
Se përse nuk e dëgjoi Basha për këtë vendim Bylykbashi tha se nuk e ka një përgjigje, por thekson se ia ka kujtuar më vonë.
“Po i thashë disa herë. Besoj se nuk është koha të flas për diskutime të brendshme”.
Duke folur për marrëveshjen e 5 qershorit 2020 ai thotë se ka marrë një sinjal nga ndërkombëtarët për pasojat që do sillte djegia e mandateve.
“5 qershori nuk është dështim atë që donte ta arrinte e arriti. Kisha shkuar me Vasilin me një dorë pas shpine. Ishte e pamundur të impononim zgjedhjet tona. Atë natë na u bë qartë nga negociatorët e huaj se ne do e paguanim djegien e mandateve. Ai ishte sinjal i fortë se si e shihnin ndërkombëtarët atë veprim”
Së fundmi Bylykbashi është pozicionuar krah Sali Berishës i cili pasi u përjashtua nga grupi i PD ka nisur një betejë për rrëzimin e vendimit. Pozicionimin e tij ai e argumenton duke thënë se zgjodhi lirinë.
“PD është parti e madhe dhe hapësira për tu rreshtuar për këdo është aty. Disa e shohin utopike kur kërkohet vetëm meritokracia. Meritokracia është edhe çështje kontributesh politike. Qëndrimet e mia kanë qenë lidhur me si funksionon nga brenda PD.
Raportet miqësore janë të rëndësishme në politike. Ajo që mund tu them se kam patur lirinë, i kam dhënë lirinë vetes që Bashës tu them çdo gjë që mendoj duke marrë përsipër dhe koston për atë që si pëlqen kryetarit”./be.k/abcnews.al
