Ish-ambasadori Bashkim Zeneli pas Tiranës ka prezantuar mes bashkatdhetarëve në Athinë, librin e tij “Miqësi e trazuar”. Libri bazohet në kujtimet e Zenelit, i dekoruar me titullin “Mjeshtër i madh”, gjatë periudhës që ai shërbeu si ambasador i Shqipërisë në Greqi.
Gjatë prezantimit u veçua fakti që Bashkim Zeneli përcjell në faqet e librit mesazhet e bashkëpunimit e të bashkëjetesës midis të dy popujve. Libri “Miqësi e trazuar, Greqia në kujtimet e ambasadorit” është i dyti në krijimtarinë e Bashkim Zenelit, pas atij “Për Gjermaninë”, ku Zeneli ka shërbyer gjithashtu si ambasador i Republikës së Shqipërisë./abcnews.al
