Presidenti i Republikës, Ilir Meta, është pritur nga presidenti i SHBA-ve, Donald Trump. Meta ka postuar një foto në rrjetet sociale sëbashku me Donald dhe Melania Trump në Shtëpinë e Bardhë, ku vlerëson partneritetin e fortë strategjik mes SHBA-ve dhe Shqipërisë.
“I kënaqur që mora pjesë në pritjen e Presidentit të SHBA, Donald Trump. Partneritet i fortë strategjik mes Shqipërisë dhe SHBA”, shkruan Meta në Facebook.
Presidenti i Shqipërisë ndodhet në SHBA në kuadër të asamblesë së OKB-s. Meta ka mbajtur gjithashtu edhe një fjalim në Samitin e Paqes “Nelson Mandela” në OKB. Atje ai është takuar me shumë homologë si presidentin e Polonisë, Qipros, apo edhe mbretin e Jordanisë./abcnews.al
