Presidenti i Këshillit Evropian, Charles Michel, do të zhvillojë një tur ballkanik javën e ardhshme.
Ai do të zhvillojë një vizitë zyrtare në Serbi të enjten, më 19 maj, bëhet e ditur në faqen e Këshillit.
Presidenti do të udhëtojë nga Beogradi në Shqipëri më 20 maj dhe më pas në Bosnje Hercegovinë, raporton RTS.
Presidenti i Serbisë, Aleksandar Vuçiç, gjatë vizitës së tij në Bruksel, bëri të ditur se në ditët në vijim do të vijnë vizita të rëndësishme të zyrtarëve të BE-së në Serbi, gjatë të cilave do të diskutohet për përparimin e mëtejshëm të Serbisë në rrugën e integrimeve evropiane./abcnews.al/
