Një 59-vjeçar është arrestuar nga policia në Korçë këtë të premte.
Gazetari i ABC News, Roland Beqiraj raporton se 59-vjeçari ka ngacmuar seksualisht një vajzë të mitur dhe e ka përndjekur.
E mitura, është nxënëse në shkollën 9-vjeçare të njësisë administrative Pojan, Bashkia Maliq.
Denoncimi është marrë në prani të mësueses dhe psikologes. E mitura, fillimisht ka njoftuar gjyshen e saj, më pas ajo ka vendosur në dijeni shkollën.
“Faktikisht, denoncimi është bërë nga gjyshja e vajzës, pasi vajza jetonte me gjyshen. Gjysha ka qenë ajo që ka shkuar në Drejtorinë e shkollës 9-vjeçare në fshatin Pojan. Drejtoria e shkollës ka njoftuar menjëherë komisariatin e policisë. 59-vjeçari njihet për këto lloj ngacmimesh, është mbajtur në vëzhgim dhe është arrestuar. Prej një muaji ai e ngacmonte vajzën, me qëllim që të abuzonte me të. 59-vjeçari nuk ka pranuar të flasë para policisë, i ka qëndruar asaj që ka thënë, se ka qenë i dehur dhe se nuk mban mend asgjë. Vajza ka kaluar në qendrën e ndihmës psikologjike ku po merret edhe një herë në pyetje, ku po merret në pyetje nga psikologu”, raporton gazetari i ABC News, Roland Beqiraj./abcnews.al
