Rron Broja ka dalë lojtar i lirë nga Partizani dhe së shpejti pritet të vendosë për të ardhmen. Më së shumti është përfolur për kalimin e mesfushorit në Hungari, ndërkohë që së fundmi është zbuluar edhe një prapaskenë në merkato.
Broja ka marrë një propozim nga Irlanda e Veriut, konkretisht nga Glentoran FC. IndeksiOnline raporton se përfaqësues të këtij klubi e kanë kontaktuar mesfushorin që është edhe pjesë e Kosovës dhe ka spikatur në Superiore.
Futbollisti 25-vjeçar nuk e ka parë të arsyeshme ta pranojë ofertën, pasi kërkon të luajë në një ligë më të fortë se ajo në Irlandën e Veriut.
Në aspektin financiar propozimi për Brojën ka qenë i mirë, pasi do të përfitonte 7 deri në 8 mijë euro në muaj. /abcnews.al
