Po përballojnë fluksin e Krishtlindjeve në port dhe besojneë se do të vazhdojnë kështu deri në ndërrimin e viteve. Dejtoresha e policisë kufitare në portin e Durrësit Lindita Nushi gjatë një takimi në prefekturë për të diskutuar rreth masave të fundvitit, tha se janë vënë në punë me kapacitet të plotë të gjitha kabinat e kontrollit në port. Por sipas saj celësi i suksesit në përballimin e fluksit ka qenë një plan i mirëorganizuar në bashkëpunim me kapitenerinë, degën e doganës, autoritetin portual dhe forcën e sigurisë portuale.
Burime nga Policia kufitare kanë bërë të ditur se gjatë 5 ditëve të fundit nga porti i Durrësit kanë hyrë afro 28 mijë pasagjerë dhe rreth 6 mijë autovetura. Për të përballuar fluksin e hyrje-daljeve autoritetet shteterore që operojnë në port kanë krijuar kontakte të ngushta me opertaorët privatë të agjencive të udhëtimit dhe atyre lundruese. Fluksi i ardhjes së bashkëatdhetarëve tanë që punojnë në vende të ndryshme të Evropës pritet të zgjasë deri në ditët e fundit të muajit, ndërsa në gjysmën e dytë të janarit nis kthimi i tyre sërisht drejt vendeve të tyre të punës./abcnews.al
