Loading ...
Kryeministri polak Mateusz Morawiecki konfirmoi sot dërgimin e tankeve T-72 të prodhimit sovjetik në Ukrainë, pa specifikuar sasinë raporton në Twitter Kyiv Independent.
Në mars, Polonia tha se ishte gati t’i dorëzonte të gjithë avionët e saj luftarakë MIG-29 në një bazë ajrore amerikane në Gjermani “menjëherë dhe pa pagesë” si pjesë e një plani për t’i ofruar avionë ukrainasve.
Por Pentagoni tha se oferta nuk ishte “e qëndrueshme”.
Zëdhënësi John Kirby tha se propozimi për dërgimin e avionëve në bazën ajrore amerikane Ramstein “ngre shqetësime serioze për aleancën e NATO-s”.
Të premten Ministria e Mbrojtjes konfirmoi se Mbretëria e Bashkuar dhe Polonia po bashkëpunojnë për të furnizuar Ukrainën me tanke.
BBC raportoi se ukrainasit do të merrnin tanket polake T-72 dhe se tanket polake të dërguara në Ukrainë do të zëvendësohen me tanket britanike “Challenger 2”.
Tanket janë lëvizja më e fundit e britanikëve ndaj Ukrainës, krahas mjeteve të tjera të blinduara që do të dërgohen, për të cilat është vendosur më herët.
/abcnews.al/
