Policia e Vlorës ka arrestuar një 38-vjeçar në fshatin Bishan, për llogari të drejtësisë spanjolle. I arrestuari, Antonio Xhaferi do të ekstradohet në Spanjë.
Aksioni është ndërmarrë në orët e para të mëngjesit të sotëm, pas kërkesës së ardhur nga shteti spanjoll.
38-vjeçari në fjalë është shpallur në kërkim nga Spanja për kultivim dhe trafik të lëndeve narkotike.
Sipas burimeve nga policia e Vlorës janë disa emra të ardhur nga nga shteti spanjoll, për të cilët kërkohet ekstradimi i tyre.
Njoftimi i policisë:
Vijon puna për kapjen e personave të shpallur në kërkim ndërkombëtar.
Finalizohet operacioni policor i koduar “Lugo”.
Kapet dhe vihet në pranga, me qëllim ekstradimi drejt Spanjës, një shtetas i shpallur në kërkim ndërkombëtar.
Në vijim të punës për kapjen e personave në kërkim, nga shërbimet e Seksionit për Hetimin e Narkotikëve në Drejtorinë Vendore të Policisë Vlorë, u bë kapja dhe arrestimi, me qëllim ekstradimi, i shtetasit:
A. Xh., 38 vjeç, banues në fshatin Bishan, Vlorë.
Ky shtetas ishte shpallur në kërkim ndërkombëtar, pasi autoritetet gjyqësore spanjolle, me vendimin penal të datës 15.01.2021, kanë lëshuar urdhër arrestin ndërkombëtar, për veprat penale “Trafiku i narkotikëve” dhe “Organizate kriminale”, parashikuar nga Kodi Penal i Spanjës.
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi drejt Spanjës.
/abcnews.al
