Po transportonte 6 emigrantë të paligjshëm, arrestohet 27-vjeçari në Koplik

Një 27-vjeçar është arrestuar në Koplik në kuadër të operacionit policor të koduar “Tranziti”.

27-vjeçari u kap në flagrancë duke transportuar me automjet, 6 emigrantë të cilët synonin të kalonin kufirin me Malin e Zi.

Ai i transportonte emigrantët me automjet, kundrejt pagesës 650 euro për person.

6 emigrantët nga Pakistani, Bangladeshi dhe Afganistani, u proceduan penalisht për kalim të paligjshëm të kufirit.

Sekuestrohen automjeti dhe celulari i 27-vjeçarit./abcnews.al