Dalin pamjet e aksidentit të rëndë mëngjesin e së shtunës që i mori jetën efektivit të policisë, Gëzim Lazri. 56 vjeçari sapo kishte lënë punën pranë Komisariatit të Policisë Mirditë dhe po kthehej në shtëpi kur makina me të cilën udhëtonte u përplas me një tjetër, që drejtohej nga një malazez.
Goditja rezultoi fatale për policin, i cili ka ndërruar jetë në vendngjarje. Ndërsa shtetasi malazez është dërguar në spital. Sipas policisë, shkak i aksidentit të rëndë ka qenë parakalimi i gabuar në shkelje të rregullave të qarkullimit nga malazezi, i cili drejtonte një mjet tip “Chevrolet”./abcnews.al
