Merkato e janarit po afron dhe duket se në aksin Torino-Paris do të ketë zhvillime të reja. Juventusi ka nxjerrë në merkato lojtarë si Dybala, De Sciglio apo dhe Emre Can, të cilët u përfolën dhe për një largim në merkaton e verës që kaloi. Nga ana tjetër PSG ofron emra si Paredes, Kurzawa dhe Meunier.
Shkëmbimi më i mundshëm që mund të ndodhë mes dy klubeve është mes Emre Can dhe Leandro Paredes. Të dy klubet e shikojnë si lëvizjen e duhur shkëmbimin e lojtarëve, siç raporton ‘Tuttosport’. Të dy lojtarët nuk kanë gjetur hapësira në formacionin e parë dhe po kërkojnë një aventurë të re.
Nëse transferimi i dy lojtarëve ndodh në janar, atëherë jo vetëm do të jetë një zgjidhje e mirë për dy lojtarët, por edhe do të zhbllokojë merkaton e dy klubeve. Gjithsesi deri në hapjen e merkatos ka ende dhe pak kohë si dhe koha do ta tregojë nëse transferimi do të bëhet konkret. /abcnews.al\
