Plagosi me thikë 20 vjeçarin, arrestohet autori

schedule12:16 - 2 Gusht, 2020

schedule 12:16 - 2 Gusht, 2020

Policia e Shkodrës ka vënë në pranga një 24 vjeçar i cili akuzohet për plagosjen e një të riu një ditë më parë.

Sipas uniformave blu i arrestuari është shtetasi K. H.,24 vjeç, banues në fshatin Grudë e Re, Shkodër.

Ngjarja ka ndodhur një ditë më parë  pas një konflikti të momentin që ka ndodhur në ambientet e jashtme të një bar-kafeje në lagjen Skënderbeg, në Shkodër, ku ky shtetas pas një konflikti verbal me fjalë ka plagosur me mjet prerës (thikë) shtetasin E. Gj. 20 vjeç, banues në fshatin Grudë e Re, Shkodër.

20 vjeçari aktualisht ndodhet në gjendje të rëndë, në Spitalin Rajonal Shkodër.

Njoftimi i plotë:

Zbardhet dhe dokumentohet ngjarja e ndodhur mbrëmjen e datës 01.08.2020, ku u plagos me mjet prerës një 20-vjeçar.

Arrestohet në flagrancë autori i dyshuar i ngjarjes.

Nga strukturat e DVP Shkodër në bashkëpunim me Komisariatin e Policisë Shkodër, pas njoftimit të marrë se shtetasi E. Gj., është plagosur me mjet prerës (thikë), menjëherë shërbimet policore janë vënë në ndjekje për identifikimin dhe kapjen e autorit të kësaj ngjarje.

Nga veprimet hetimore intensive të bëra, është bërë e mundur dokumentimi i plotë ligjor i kësaj ngjarje kriminale, ku është arrestuar në flagrancë autori i dyshuar konkretisht shtetasi K. H.,24 vjeç, banues në fshatin Grudë e Re, Shkodër.

Nga provat e grumbulluara ka rezultuar se konflikti ka ndodhur në ambientet e jashtme të një bar-kafeje në lagjen Skënderbeg, në Shkodër, ku ky shtetas pas një konflikti verbal me fjalë ka plagosur me mjet prerës (thikë) shtetasin E. Gj. 20 vjeç, banues në fshatin Grudë e Re, Shkodër, i cili aktualisht ndodhet në gjendje të rëndë, në Spitalin Rajonal Shkodër.

Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim, mbetur në tentativë” dhe “Mbajtja pa leje e armëve të ftohta”./abcnews.al