Loading ...
TIRANË– Një 40-vjeçar mbeti i plagosur me armë zjarri mbrëmjen e së dielës në rrugën “Ramadan Citaku”, në Tiranë.
Policia njoftoi se ngjarja ka ndodhur rreth orës 22:20, pas një konflikti për motive të dobëta.
Nga hetimet e kryera u identifikua edhe personi i dyshuar i ngjarjes. Sipas policisë, autori është një 36-vjeçar, i cili qëlloi me armë në këmbë 40-vjeçarin.
I plagosuri ndodhet në spital dhe sipas burimeve mjekësore është jashtë rrezikut për jetën.
Policia po vijon kontrollet intensive për kapjen e autorit dhe dokumentimin e plotë të rrethanave të ngjarjes./abcnews.al
