PRISHTINË- Komisioni Qendror i Zgjedhjeve në Kosovë ka njoftuar se deri në orën 15:00 kanë votuar 50 për qind apo 10.346 e votuesve të regjistruar në përfaqësi diplomatike.
Në total janë 20.324 votues të regjistruar për të votuar në përfaqësi diplomatike.
Procesi i votimit në përfaqësi diplomatike po zhvillohet në disa shtete.
Gazetarja e ABC News, Habi Hoxha, raportoi live nga Kosova për edicionin “Faqja 4” duke thënë se kjo e shtunë është dita e atyre që janë jashtë Kosovës, për të hedhur votën.
Sa i takon procesit të numërimit të votave, gazetarja theksoi se vota e Diasporës do të numërohet pas atyre që janë brenda vendit./abcnews.al
