Rikthehet pianisti i njohur shqiptar Redi Llupa. Ai do të mbajë një koncert sëbashku me violinçelistin argjentinas Sebastian Delgado në Akademinë e Shkencave. Në një interviste për ABC News ai thotë se synon që të bëjë të njohur muzikën pianistike shqiptare në skenat e botës.
Pianisti shqiptar Redi Llupo prej vitesh jeton në Amerikë, ku zhvillon jetën artistike dhe akademike, tashmë rikthehet në Tiranë për koncert, i mbushur me emocione dhe kujtime.
Llupo sëbashku me violinçelistin argjentinas Juan Sebastian Delgado do të mbajnë një koncert në Akademinë e Shkencave, ku do të ketë një ndërthurje mes studimeve të tija me lojën mbi piano.
Synimi i tij është i qartë të bëjë të njohur muzikën shqiptare në botë, të cilën e përfshin gjithnjë në koncertet që ai zhvillon.
Projektet e tij muzikore kanë për qëllim njohjen e kompozitorëve bashkëkohorë shqiptarë në skenat e botës.
Artistët kanë përzgjedhur një repertor të larmishëm me kompozitorë të huaj dhe shqiptarë.
Synimi i Redi Llupos është i qartë, thellimi mbi krijmtarinë pianistike shqipttare, që të vlerësohet ndërkombëtarisht, duke u luajtur nga artistë të ndryshëm.
Koncerti Diaspora Artistike dhe Shkencore do të mbahet mbrëmjen e së dielës në sallën kryesore të Akademisë së Shkencave. /ABC News Albania 24/7
