Loading ...
Një 34-vjeçar, banues në Fushë Krujë, është arrestuar nga Policia. Ai dyshohet se fillimisht ka përplasur me automjetin që drejtonte në rrugën e Rinasit, 3 automjete, me pasojë vetëm dëme materiale.
Më pas, ka shkuar në një lokal në zonë, ku ka marrë një thikë me të cilin ka kanosur qytetarë, si dhe ka dëmtuar 1 automjet dhe celularin e drejtuesit të tij.
Gjatë shoqërimit në ambientet e Policisë, ai ka kundërshtuar me dhunë, efektivët. Nga verifikimet e kryera më tej, rezultoi se 34-vjeçari ishte aktualisht në kërkim, për veprën penale “Largimi i të burgosurit nga vendi i qëndrimit”.
