Loading ...
Protesta e 94-t në Tiranë u shoqërua këtë të martë me tensione dhe përplasje mes protestuesve dhe forcave të Policisë së Shtetit.
Tubimi nisi para Kryeministrisë, por më pas një grup protestuesish u zhvendos drejt hyrjeve të pasme të godinës, duke tentuar t’i afrohej Kryeministrisë.
Policia ndërhyri për të bllokuar avancimin e protestuesve dhe për të ruajtur perimetrin e sigurisë. Pas paralajmërimeve me megafon, situata u tensionua, duke sjellë përplasje mes dy palëve.
Në përfundim të episodeve të dhunshme, 11 protestues janë shoqëruar nga Policia e Shtetit.
Protesta vijoi mes tensioneve, ndërsa forcat e rendit qëndruan në gatishmëri për të garantuar sigurinë pranë godinës së Kryeministrisë.
