Sarandë-Një 35-vjeçar është ndaluar nga policia e Sarandës, pasi dyshohet se përndiqte një të mitur dhe e ka kanosur atë për t’i marrë para.
Sipas policisë, ka qenë familjarët e të miturës që kanë bërë kallëzimin në polici dhe më pas ka nisur edhe hetimi.
Në provat e siguruara gjatë hetimit, ky shtetas dyshohet se e ka përndjekur të miturën, përreth 1 vit, duke e kanosur dhe i ka marrë asaj, një shumë të konsiderueshme parash.
Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprat penale “Përndjekja” dhe “Shtrëngimi me anë të kanosjes ose dhunës për dhënien e pasurisë”.
/abcnews.al/
