Zgjedhjet në SHBA dhe zhvillimet që po ndodhin vijojnë që të bëjnë jehonë në të gjithë botën. “Ndaloni numërimin” është një nga frazat që do të mbetet gjatë në memorie, me të cilën Donald Trump bëri thirrje në Twitter, pasi akuzoi për manipulim të votave.
Kjo frazë që ka bërë xhiron e medieve në shumë vende është përdorur në një mënyrë mjaft interesante në një ndeshje në divizionin e dytë të kampionatit holandez të futbollit në ndeshjen mes Almere dhe Jong AZ.
Në momentin që Almere, shënon golin e parë në minutën e 73 maskota bëri gjestin e javës, teksa u fut në një kosh dhe në duar mbante një pankartë me fjalët e Trump “Stop the count” (ndaloni numërimin) në rastin konkret ndeshjen. Pas pankartës së maskotës Almere shënoi golin e dytë duke fituar pastër 2-0./ db/Abcnews.al
