Rusia ka gjobitur Google me 4 milionë rubla (50,000 dollarë) për dështimin e kompanisë për të fshirë atë që e përshkruan si informacion “të rremë” në lidhje me “operacionin e saj special në Ukrainë”, siç e quan Moska pushtimin, shkruan The Guardian.
Sipas Tass, shërbimi rus i mbikëqyrjes së komunikimeve kishte njoftuar tashmë se po merrte masa për të ndëshkuar Google për “përhapjen e lajmeve të rreme” në YouTube.
Sipas Moskës, Google ka shpërndarë të dhënat e pasakta për humbjet e trupave ruse dhe viktimat civile në Ukrainë, si dhe video në YouTube të prodhuara nga grupe ukrainase si batalioni nacionalist Azov.
/abcnews.al
