Fundi i vitit dhe periudha e festave i japin mundësi çdokujt të ëndërrojë. Në Spanjë zbulojnë “bombën” e merkatos që ka të bëjë me Cristiano Ronaldon dhe Luka Modric. Diario Gol raporton se dyshja e famshme është objektivi i PSG-së në merkato.
Kampionët e Francës synojnë fitimin e Champions League dhe janë gati t’i plotësojnë çdo dëshirë yllit portugez dhe mesfushorit kroat. Të dy 34-vjeçarët po përjetojnë vitet e fundit në futboll, teksa PSG beson fort te kualiteti dhe eksperienca e tyre.
Klubi francez nuk i ka problem financat dhe po përgatit ofertat e duhura ndaj Juventusit dhe Realit të Madridit, me synim transferimin në Paris të CR7 dhe Modric, diçka që do lehtësonte arritjen te fitimi i Champions League. /abcnews.al
