Një banesë në Vlorë është përfshirë nga flakët mbrëmjen e sotme. Forcat zjarrfikëse kanë bërë të mundur shuarjen e tyre.
Pasi janë futur në banesë ata kanë konstatuar se brenda saj nuk kishte asnjë person ndërkohë që nga zjarri janë shkaktuar vetëm dëme materiale.
Nuk dihen ende shkaqet e këtij zjarri. Po punohet për hetimin e plotë të rrethanave të saj.
Njoftimi i policise
Me datë 18.11.2021, ora 21:15, në lagjen “Isa Boletini”, Vlorë, në një banesë në katin e 6-të të një pallati ka rënë zjarr ku ka vetëm dëme materiale.
Në vendngjarje ndodhen forcat zjarrfikëse të cilat po punojnë për fikjen e zjarrit.
Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.
/Abcnews.al
