Juventusi kërkon prej kohësh një mbrojtës të majtë dhe duket se e ka gjetur atë. Nga Spanja raportohet se bardhezinjtë janë shumë afër së arritjes së marrëveshjes me Chelsea për shërbimet e Emerson Palmierit.
25-vjeçari italo-brazilian (numëron shtatë ndeshje të zhvilluara me kombëtaren e kaltër) ka luajtur më parë me Palermon dhe Romën në Itali. Maurizio Sarri e njeh mirë, pasi punuan të dy së bashku te “Blutë e Londrës” sezonin e kaluar.
Todofichajes thekson se klubi londinez ka pranuar largimin e lojtarit dhe ia ka komunikuar atij që nuk do të bëhet pengesë për rikthimin e tij në Serie A.
Drejtuesit e dy klubeve ndodhen në negociata të avancuara dhe Emerson Palmieri pritet të huazohet në Torino, me Juven që do të ketë detyrimin ta blejë në fund të sezonit të ardhshëm për një shumë që nuk është vendosur akoma. /abcnews.al
