Aeroplanmbajtësja amerikane “USS Truman” mbërriti pak më parë në Trieste për një “ndalim operacional teknik”, pas një periudhe dymujore stërvitjesh në Adriatik, Jon, Egje dhe Mesdheun Lindor.
Pas shërbimeve të nevojshme, të cilat parashikohet të zgjasin dy ditë, “përbindëshi” që amerikanë kanë pozicionuar në Mesdhe do të rikthehet në lundrim sërish në zonat më të nxehta të këtij deti.
Lexo edhe: HISTORIA/ Fundi pa lavdi i “Moskës”, konsiderohej si “gjahtari” i aeroplanmbajtëseve
Një ditë më parë, “USS Truman” u fut në ujërat e Adriatikut duke lundruar përballë brigjeve shqiptare për në veri, pikërisht në Trieste.
Lexo edhe: FOTOLAJM/ Erdhi Amerika! NATO nxjerr fotot e “USS Harry Truman” pranë ujërave shqiptare: Jemi gati!
“USS Truman” është pjesë e Flotës së Gjashtë amerikane të pozicionuar në Mesdhe dhe gjatë muajve të fundit është bërë pjesë e operacioneve të rendësishme ushtarake kundër kërcënimit rus në këtë rajon. /abcnews.al
