Loading ...
Është ndër lojtarët më të dalluar të klubit, mirëpo nuk bën pjesë në planet e teknikut, Enzo Maresca.
Pavarësishts e dëshira është e madhe për të qëndruar në “Stamford Bridge”, talenti i mesfushës së “Bluve” të Chelsea, Conor Gallagher shihet larg Londrës, sezonin e ardhshëm, ku pas klubeve të Premier League, tashmë kanë filluar edhe spanjollët të vihen pas tij.
Sipas raportimeve më të fundit të mediave, “Los Colchoneros” e Atletico Madrid janë vënë pas “fantazistit”, 24-vjeçar, me teknikun Diego Simone, i cili e sheh prodhimin e Akademisë “Cobham”, si një lojtar tepër të rëndësishëm për skemat e tij.
Sa i përket vlerës monetare, Chelsea është i gatshëm të pranojë 40 milionë eurot e ofruar nga “gjigantët” e La Liga, me negociatat mes dy klubeve që kanë nisur prej ditësh dhe tashmë janë në fazën finale, ku pritet vetëm pëlqimi i Gallagher për të finalizuar komplet transferimin. /i.m /abcnews.al
