Barcelona dëshiron të përmirësojë skuadrën e saj, por edhe ë ulë nivelin e pagave, që e kushtëzojnë shumë klubin. Për ta bërë këtë do i duhet fillimisht të shesë ose të largoje lojtarë, mes tyre edhe kryesore apo senatore të ekipit.
Jordi Alba pritet të jetë një prej tyre. Për kapitenin e Spanjës ka ofertë nga Interi dhe palët janë në bisedime të vazhdueshme prej kohës. Duke parë mundësinë e largimit të tij, Laporta ka nisur punën për të gjetur zëvendësuesin.
Jose Gaya është lojtari objektivi numër një i katalanasve. 26-vjeçari luan te Valencia dhe ka kontratë deri në vitin 2023. Ai e do kalimin te Barcelona dhe këmbëngulja e mbrojtësit të majtë mund të jetë kyçi për ta sjellë në “Camp Nou” kundrejt një çmimi të leverdisshëm.
Një tjetër mbrojtës i majtë është në orbitën e Barcelonës. Mundo Deportivo raporton se katalanasit kanë kontaktuar Chelsean për afrimin e mundshëm të Marcos Alonso. Ky i fundit mund të zëvendësojë largimin e Junior Firpos, për të cilin ka disa oferta.
Një nga largimet nga Barcelona do të jetë edhe Miralem Pjanic. Mesfushori nuk mundi të lërë gjurmë në sezonin e tij të parë te spanjollët dhe largimi është i pashmangshëm. Nga Franca mësojnë se PSG e do mesfushorin dhe ka nisur tratativat e para. /abcnews.al
