7740 shtetas kanë hyrë në territorin e Republikës së Shqipërisë gjatë 24 orëve të fundit nëpërmjet pikës kufitare të Kakavijës, të cilët janë kryesisht emigrantë që kthehen pranë familjeve të tyre me rastin e festes së Pashkës.
Pavarësisht kësaj statistike, situata nuk ka qenë problematike sa i takon pritjes së qytetareve për të kaluar kufirin. Nga të dhënat e mara pranë kësaj dogane mësohet se pala greke aktualisht po punon me dy sportele ndërsa ajo shqiptare me 4 të tille.
Krahasuar me vitet e kaluara numri i emigranteve që po kthehen në Shqipëri me rastin e festes së Pashkës është më i ulët, ndërsa lëvizja e tyre drejt vendit tonë serish janë riregjistruar në orët e para të mëngjesit, kohë që përkon edhe me orarin e lëvizjes se autobuseve. Sa i takon shtetasve që kanë lënë pas vendin tonë ata janë rreth 3 mijë persona./abcnews.al
