KORÇË- Afrimi i festës së Pashkës ka shtuar fluksin e lëvizjeve ndërkufitare në doganën e Kapshticës.
Gjatë 24 orëve të fundit kanë hyrë nga Greqia mbi 6 mijë qytetarë ndërsa rreth 2 mijë e 500 kanë udhëtuar drejt vendit fqinj.
Në doganën greke për shkak të fluksit të lartë udhëtarët kanë pritur deri 30 minuta, ndërkohë që përpunimi i dokumentacionit të mjeteve dhe udhëtarëve nga policia jonë kufitare bëhet pa vonesa.
Për të menaxhuar lëvizjet polica jonë kufitare ka hapur 5 sportele në hyrje dhe dy në dalje, ndërsa pala greke punon me 3 sportele.
Në varësi të shtimit të lëvizjeve policia kufitare ka marrë masat për të shtuar sportelet dhe personelin.
Autoritetet e kufirit presin që fluksi i lëvizjeve drejt vendit tonë të mbetet i lartë edhe gjatë të shtunës.
/ abcnews.al
