Shtohen rastet ne Covid-19 në Fier, ndërsa një ditë më parë ka pasur një shtim të rasteve në burgun e Fierit.
Një ditë më parë 3 punonjës të këtij institucioni kanë rezultuar pozitiv për koronavirus.
Kështu, një mjek, një infermier dhe një ekonomist i burgut të Fierit i shtohen të tjerë pjesëtarëve të stafit të cilët kanë dalë pozitiv me Covid.
Deri më sot nuk ka informacione që të ketë të prekur nga radhët e të burgosurve, ndërsa janë karantinuar tashmë të gjithë të prekurit. Listës së 1702 personave që rezultojnë pozitiv aktiv në Fier një ditë më parë i janë shtuar edhe 1 mësuese, 2 nxënës, disa punonjës fasonerie, 1 instruktor palestre si edhe 7 pensionistë e disa të papunë.
Pas Tiranës, Fieri mbetet i dyti në rang vendi që ka numrin më të madh të rasteve aktiv.
/abcnews.al/
