Pak ditë më parë, Luana Vjollca solli bashkëpunimin ndërkombëtar të radhës. “Locos” ishte kënga që e bëri bashkë me artistin latin Jay Santos, dhe që u prit mjaft mirë nga publiku.
Por, akoma pa shijuar suksesin e “Locos”, Luana duket se ka nisur punën për të sjellë një tjetër projekt. Moderatorja ndodhet në Prishtinë së bashku me Marinën, ku edhe ka bërë me dije se po punon me producentin e DIEZ Music.
Ndërkohë, ende nuk dihet nëse bëhet fjalë për një këngë solo, apo një tjetër bashkëpunim. Kujtojmë që Luana i është futur tregut muzikor prej kohësh, e cila numëron një sërë këngësh që kanë patur një impakt të mirë tek publiku. /abcnews.al/
