Pas ndërrimit të emrit, Dimali po merr një pamje të re duke vënë në zbatim projekte për zhvillimin e turizmit dhe për të njohur trashëgiminë kulturore.
Ministri Blendi Klosi gjatë një takimi me banorët në Urën Vajgurore u shpreh se investimet do të ndikojnë drejtpërsëdrejti në turizëm.
“Procedura ka shumë pak rëndësi në krahasim me mbështetjen që kemi marrë nga qytetarët e Dimalit.
Të gjithë banorët e katër bashkive kanë shprehur gatishmërinë për të marrë këtë emër që vjen nga lashtësia për të promovuar një ndjesi pozitive.
Hyra hyrëse në qarkun turistik është e nevojshme për të afruar trashëgiminë kulturore dhe për të qenë një destiancion turistik për pushuesit e këtij qarku”, u shpreh Klosi.
Ndërsa kryetarja e bashkisë Juliana Mema pohoi se po vijojnë projektet për rivitalizimin e zonës.
“Bashkia e Urës Vajgurore ka një plan strategjik për zhvillimin e saj. Gjithë muaji gusht do të ketë muzikë live për të dhuruar një atmosferë të mirë për qytetarët tanë”, tha Mema./abcnews.al
