Pas embargos amerikane ndaj naftës ruse, Vladimir Putin ka kaluar në kundërsulm, duke pretenduar se Perëndimi fajëson Rusinë për gabimet e veta, ndërsa theksoi se vendet perëndimore po mashtrojnë popullin e tyre.
Sipas Reuters, presidenti rus tha se sanksionet ndaj vendit të tij nuk janë të ligjshme dhe premtoi të zgjidhë problemet që kanë dalë nga to.
Lexo edhe:Lideri çeçen falënderon Serbinë për mos vendosjen e sanksioneve ndaj Rusisë
Në të njëjtën kohë, ai tha se Moska po përmbush detyrimet e saj për energjinë, ndërsa vuri në dukje rritjen e inflacionit në SHBA, duke përmendur embargon ndaj naftës ruse.
Në të njëjtën kohë, Ministria ruse e Financave njoftoi se ka marrë masa për të kufizuar daljen e fondeve dhe se do të punojë me Bankën Qendrore për të siguruar stabilitetin e sistemit financiar. Prioriteti, tha ministria, është stabilizimi i ekonomisë./abcnews.al/
