Ilaix Moriba nuk po pranon të nënshkruajë kontratë të re me Barcelonën dhe me gjasa ai do të qëndrojë në tribunë deri në fund të sezonit. Të riut një situatë e tillë nuk i shkon askush për shtat.
Në lidhje me të më parë kishte folur edhe trajneri Ronald Koeman, i cili shprehej: “Kam folur me Ilaix dy a tre javë më parë. I jam drejtuar më shumë si njeri i thjeshtë sesa trajner i Barçës. Situata e tij është e tmerrshme. Ai është e ardhmja e klubit, por ai nuk është me ne.
Unë e di çfarë klubi dëshiron t’i ofrojë këtij lojtari. Këshilla ime është se paratë nuk janë gjëja më e rëndësishme. Duhet të luash në ndeshje që të rritesh si lojtar.
Jam shumë i zhgënjyer me të dhe agjentët e tij. Besoj më shumë në futboll sesa në kontrata, paratë nuk janë aq të rëndësishme për një 18-vjeçar”.
Ilaix ka bërë një reagim në rrjetet sociale, duke përcjellë me shumë mundësi edhe një mesazh për trajnerin Koeman: “Mijëra thashetheme dhe askush nuk e di të vërtetën”.
Ilaix Moriba ka edhe një vit kontratë me Barcelonën dhe pas tij raportohet se janë vënë dy klube, Manchster City dhe RB Leipzig. /abcnews.al
