Një aksident ka ndodhur mëngjesin e sotëm në aksin rrugor Thumanë-Fushë Krujë. ABC mëson se dy automjete janë përplasur me njëri tjetrin, dhe për pasojë njëri nga shoferët me iniciale R.K. ka mbetur i dëmtuar.
Ai është dërguar në spitalin e Traumës për një ndihmë të specializuar mjekësore, ku ndodhet jashtë rrezikut për jetën. Shkak për aksidentin dyshohet të jetë bërë parakalimi i gabuar i njërit prej automjeteve. Policia ndodhet në vendin e ngjarjes dhe po heton rrethanat e saj.
“Rreth orës 09:10, në aksin rrugor Thumanë-Fushë Krujë, një automjet me drejtues shtetasin M. T., është përplasur me automjetin me drejtues shtetasin R. K, i cili ndodhet nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia. m.v/Abcnews.al
